«Առաջարկն ուղղված է առաջին հերթին լայնաշերտ ինտերնետի տարածմանն այն մարդկանց շրջանում, ովքեր կարճ ժամանակահատվածում մեծ ծավալի տեղեկատվություն ներբեռնելու կարիք չունեն: Մեր նոր սակագնային փաթեթները թույլ կտան հաճախորդներին, այդ թվում մարզերից, մատչելի գնով միանալ ժամանակակից կայուն և հուսալի լարային տեխնոլոգիային», - նշել է «ԱրմենՏել» ՓԲԸ Գլխավոր տնօրեն Իգոր Կլիմկոն:
Այն բաժանորդներն, ովքեր օգտվում են Hi-Line ծառայության «Նախընտրելի» սակագնային փաթեթից ավելի քան 12 ամիս կարող են, վերակնքելով պայմանագիրն, անցնել դեպի «Մեգա» սակագնային փաթեթ առանց որևէ սահմանափակումների, ինչպես նաև առաջին ամիսն անվճար օգտվել ծառայությունից: «Նախընտրելի» անսահմանափակ սակագնային փաթեթին միացած բաժանորդներն առաջին 12 ամսվա ընթացքում կարող են անցնել դեպի ավելի բարձր արագությամբ “Մեգա” սակագնային փաթեթներ:
«Մեգա» անսահմանափակ սակագնային փաթեթին միացած բաժանորդներն առաջին 12 ամսվա ընթացքում կարող են անցնել միայն դեպի ավելի բարձր արագությամբ սակագնային փաթեթներ: Պայմանագրի կնքմանը կամ վերակնքմանը հաջորդող 12 ամսվա ընթացքում ծառայությունից հրաժարվելու դեպքում բաժանորդը վճարում է «Մեգա» սակագնային պլանի և նույն արագությամբ Hi-Line անսահմանափակ սակագնային պլանի համար նախատեսված ամսավճարների տարբերությունն` օգտագործման ժամանակահատվածի համար:
