Ինչպես հայտնում է ֆոտոլրագրող Գագիկ Շամշյանը, նշված տարածքում այդ ժամին իրենց ծառայությունը կատարող ոստիկանության պարեկապահակային ծառայության 3-րդ վաշտի աշխատակիցները նկատել են, որ մի տղամարդ ցանկանում է կամրջից ցած նետվել։ Ոստիկանության աշխատակիցները շուրջ 40 րոպե բանակցություններ են վարել տղամարդու հետ, որպեսզի նա ինքանսպանության չդիմի, սակայն տղամարդը համառել է։
Հավաքվել են մեծ թվով քաղաքացիներ։ Շուրջ 40-45 րոպե հետո, այնուամենայնիվ, ոստիկանության աշխատակիցներին հաջողվել է բռնել տղամարդուն եւ կանխել ինքնասպանության փործը։
Պարզվել է, որ ինքնասպանության փորձ կատարողը Մարգարյան փողոցի բնակիչ 32-ամյա Ա. Մ.-ն է։
Ոստիկանության Մաշտոցի բաժնի հետաքննչական բաժանմունքում նյութեր են նախապատրաստվում։ Կամրջի մոտ կանգնած մարդիկ հայտնել են, որ տղամարդու խոսքով, ինքն այդ քայլին դիմել է, քանի որ ունի սոցիալական խնդիրներ եւ չի կարողանում բնակարան գնել։
