Հիշեցնենք, որ օրերս «Guardian»-ը գրել էր, որ ՏՏ մասնագետներ Փիթ Ուարդենը և Ալասդեր Ալեննը Սան Ֆրանցիսկոյում կայացած «Where 2.0» ՏՏ համաժողովի ժամանակ հանդես էին եկել սենսացիոն հայտարարությամբ այն մասին, որ 3G ապահովող iPhone սմարթֆոնն ու iPad պլանշետն ամեն օր ֆիքսում են օգտագործողների գտնվելու վայրն ու պահպանում ինֆորմացիան գաղտնի ֆայլում:
«Ինչո՞ւ է Apple-ը հավաքում այդ գաղտնի տվյալները, ինչ պատճառներով է Apple-ը սկսել հետևել իր հաճախորդներին, Նոութբուքերում նո՞ւյնպես հավաքվում են տեղեկությունները, ինչու Apple օգտագործողները նախապես չեն իմացել այն մասին, որ իրենց հետևում են», -այս ու այլ հարցադրումներով նամակ է ուղարկել Սենատորը Ջոբսին:
Ավելի կոշտ հարցերով Ջոբսին նամակ է ուղարկել նաև կոնգրեսական Էդվարդ Մարկին (Edward Marky): Վերջինը փորձել է հասկանալ, ինչո՞վ է տվյալների հավաքագրումը համապատասխանում ԱՄն օրենսդրությանը և հնարավոր է Apple օգտագործողը կարողանա անջատել այդ ֆունկցիան:
«Խնդրում եմ պատասխանեք իմ հարցերին 15 աշխատանքային օրվա ընթացքում կամ ոչ ուշ, քան մայիսի 12-ը», -Ջոբսից պահանջել է կոնգրեսական Մարկին:
