Հիշեցնենք, որ Ալիբեյօղլուի պաշտոնավարության ժամանակ էր, որ Աքսոյին հանձնարարվել էր քանդակել վերոնշյալ հուշարձանը:
Ըստ «Sondakika» լրատվական կայքի` Մեհմեթ Աքսոյը լրագրողների հետ հանդիպման ժամանակ ասել է, որ Էրդողանն անճոռնի անվանեց և պահանջեց քանդել այդ արձանը` նպատակ ունենալով խորհրդարանական ընտրություններում շահել «Ազգայնական շարժում» կուսակցության ընտրազանգվածի ձայները: Աքսոյը տեղեկացրել է, որ ապրիլի 23-ին արվեստասեր ու արվեստագետ հասարակությունը հավաքվելու է հուշարձանի մոտ և փորձելու է իր վճռական «ոչ»-ն ասել հուշարձանի քանդմանը:
«Տեսեք, ապրիլի 23-ին հուշարձանը քանդվելու է ... Եթե քանդվի, ապա մենք թալիբներից ոչնչով չենք տարբերվի», - ասել է Աքսոյը` ընդգծելով, որ այժմ արձանի ապամոնտաժմանը դեմ է Կարսի բնակչության գրեթե 70 տոկոսը:
Հիշեցնենք, որ Հայաստանի սահմանից 40 կմ հեռավորության վրա գտնվող վերոնշյալ հուշարձանը ստեղծվել է Կարսի քաղաքապետարանի պատվերով: Հունվարի 8-ին Կարս այցելած Թուրքիայի վարչապետ Ռեջեփ Թայիփ Էրդողանը պահանջել էր ապամոնտաժել Կարսում տեղադրված «Մարդկայնության հուշարձանը»` այն անվանելով անճոռնի և այլանդակ: Հուշարձանի նախնական անունը եղել է «Հայաստանի հետ բարեկամության և հաշտության հուշարձան», իսկ հետո, կտրուկ արձագանքներ ստանալով, փոխվել է` «մարդկայնության հուշարձան»-ի:
