Ոստիկանության Արարատի բաժին ապրիլի 16-ին Երեւան քաղաքի վարչությունից ահազանգ է ստացվել, որ Ազատավան գյուղի տներից մեկից գողություն է կատարվել:
Ինչպես հայտնեց ֆոտոլրագրող Գագիկ Շամշյանը, ոստիկանություն է դիմել Արարատի մարզի Ազատավան գյուղի բնակչուհի Սիրվարդ Մելքոնյանը եւ հայտնել, որ իր տանից գողություն է կատարվել: Նա տեղեկացրել է, որ անհայտ անձը կամ անձինք ներս են մտել տուն, երբ ինքը մի պահ բացակայել է, եւ գողացել նոթբուք տեսակի համակարգիչ եւ 200 հազար դրամ կանխիկ գումար:
Նույն օրը ոստիկանության Արտաշատի բաժնում ստեղծվել է օպերատիվ-քննչական խումբ եւ արդեն կեսգիշերին խումբը օպերատիվ տեղեկություններ է ստացել, որ գողոթյունը կատարել է ահազանգ տված Սիրվարդ Մելքոնյանի կրտսեր որդին` 50-ամյա Ռոբիկ Պետրոսյանը:
Ճշտվել է որ նա թեեւ գրանցված է նշված գյուղում, սակայն փաստացի բնակվում է Երեւանի Բելինսկի փողոցի տներից մեկում: Նրան բերման են ենթարկել Արտաշատի բաժին: Նրա մոտից հայտնաբերվել է համակարգիչը, որը պատկանում է նրա ավագ եղբորը, ով աշխատում է «Իվեկո» ընկերությունում որպես տնօրեն: Համակարգչում, ըստ տնօրենի, եղել են ֆիրմային վերաբերող գաղտնի փաստաթղթեր:
Այս պահին ոստիկանության Արարատի մարզային վարչության Արտաշատի քննչական բաժնում քննչական գործողություններ են կատարվում:
Apr 18, 2011
Որդին մոր տնից գողացել է ավագ եղբոր համակարգիչը, որում գաղտնի փաստաթղթեր են եղել
5:20 PM
Նորություններ Հայաստանից