Պատգամավորը Լևոն Տեր-Պետրոսյանին հորդորեց մեղքերից չխոսել՝ որպես հիմնավորում նշելով, որ 1997 թվականին նա գնում էր հիմնախնդրի լուծման փուլային տարբերակին, ինչը նախևառաջ ենթադրում էր հայկական ուժերի դուրս բերումը 7 շրջաներից ու նոր մնացած հարցերի քննարկումը:
«Այդ տարբերակը Արցախի վերջնական կարգավիճակի վերաբերյալ որևէ երաշխիք չէր պարուակում: Լավ է, որ նա ժամանակին հետ քաշվեց, և մենք արդեն 10 տարուց ավելի է գործընթացն այլ ուղով ենք տանում: Հայաստանի նախագահը մեկ անգամ չէ, որ ամենաբարձր մակարդակի հանդիպումների ժամանակ հստակ դնում է կարգավիճակի խնդիրը՝ միաժամանակ հայտարարելով, որ Արցախի հարցի լուծումը Ստեփանակերտում է և արցախցիները պետք է որոշեն իրենց ճակատագիրը»,- հավելեց Ռ. Զոհրաբյանը:
