Ինչպես հայտնում է ֆոտոլրագրող Գագիկ Շամշյանը, դեպքի վայր ժամանած ճանապարհային ոստիկանները անմիջապես հանել են Toyota-ի համարանիշները` 001 ՈՍ 01: Toyota-ն սպասարկում է Հայաստանի ոստիկանապետ, ոստիկանության գեներալ-լեյտենանտ Ալիկ Սարգսյանին:
Վթարի վայրում խցանում է առաջացել, որը վերացնելու համար ճանապարհային ոստիկանության 3-4 մեքենա է ժամանել: Մեքենաների վարորդները գրեթե 50 րոպե սպասել են ապահովագրական գործակալներին, սակայն տեսնելով, որ նրանք չեն ժամանում, նյարդայնացած հեռացել են:
