Ականատեսներ են եղել, թե ինչպես են երկու անհայտ երիտասարդներ դրոշներով փակել Արշակունյաց պողոտայի այն հատվածը, որտեղ ԵԿՄ շենքն է: Ճանապարհի այդ հատվածը փակ է եղել օրվա պիկ ժամին` 1:30-ից սկսած եւ տեւել մոտ 10-15 րոպե: Այդ ընթացքում խցանում է առաջացել պողոտայում, որի փակման նպատակը եղել է այն, որպեսզի Գրիգորյանին սպասարկող «Մերսեդես Բրաբուս» մակնիշի ավտոմեքենաները դուրս գան ԵԿՄ շենքի հարակից տարածքից:
Ի դեպ, ԵԿՄ շենքի տարածքից դուրս գալուց հետո գեներալին սպասարկող ավտոմեքենաները սլացել են թույլատրելիից արագ, այն դեպքում, երբ ճանապարհի ադ հատվածում առավելագույն արագություն է սահմանված 80 կմ/ժամը:
Փաստորեն, իր անձը կարեւորող ամեն մի պաշտոնյա կարող է սրտի ուզած պահին ճանապարհ փակել տալ` կոպտորեն խախտելով քաղաքացիների ազատ տեղաշարժի իրավունքը:
Ի դեպ, երբ ներկաները փորձել են պարզել, թե ինչ հիմքո՞վ է գեներալ Գրիգորյանը փակել տվել փողոցը, ԵԿՄ ադմինիստացիայից պատասխանել են. «Դե երեւի որ հանգիստ դուրս գա շենքից»:
