Թամարա Պողոսյանը նախօրեին նշել էր, թե սփյուռքի նախարարության աշխատակազմի ղեկավար Ֆիրդուս Զաքարյանը 2010թ. ապրիլին համահայկական համաժողովներից մեկի անցկացման մեխանիզմ է առաջարկել իրեն, ինչը ոչ այլ ինչ է, քան «փողեր լվանալու դասական մեխանիզմ»:
Ըստ Պողոսյանի` Ֆիրդուս Զաքարյանը իրեն առաջարկել էր ստորագրել մի պայմանագիր, որով համաժողովի կազմակերպման նրա գործառույթները կփոխանցվեին երրորդ կազմակերպությանը:
Սփյուռքի փոխնախարար Ստեփան Պետրոսյանը «Ազատություն» ռադիոկայանի եթերում այսպես է արձագանքել Թամարա Պողոսյանի պնդումներին. «Ես չեմ ուզում չհիմնավորված, մտացածին բաների մասին խոսել կամ մեկնաբանել: Ես կարող եմ ասել, որ սա շանտաժ է եւ զրպարտություն: Մենք պետք է փաստերով խոսենք, անհիմն մեղադրանքներին ի՞նչ պատասխանեմ: Ես կարծում եմ, որ տիկին Պողոսյանը պետք է պատրաստ լինի համապատասխան վայրում ապացուցել իր մեղադրանքները եւ պատասխանատվություն կրել իր զրպարտանքի համար»:
