«Նշանակո՞ւմ է, արդյոք, որ գազն այնուամենայնիվ, թանկանալու է, բայց սպառողի համար չի թանկանում, թե՞ ընդհանրապես գազի գինն այս տարի չի բարձրանալու»,-հարց ուղղեց պատգամավորը, ինչին ի պատասխան Արմեն Մովսիսյանն ասաց, որ Սոչիում երկու երկրների նախագահների բանակցային գլխավոր թեմաներից մեկը եղել է գազի սակագնի թեման: «Մինչեւ այս պահը նոր սակագին ներկայացված չէ, եւ երկու նախագահներն իրենց բանակցությունների արդյունքում պայմանավորվել են, որ եթե ինչ-որ բան էլ փոխվի, ապա դա որեւէ ազդեցություն մեր սակագների վրա չպետք է ունենա: Եւ տեսնում եք, որ այդպես էլ կա»,-հայտարարեց Մովսիսյանը:
Նշենք, որ «Գազպրոմի» մամուլի ծառայության ներկայացուցիչը մարտի 3-ին հայտարարել էր, թե Հայաստանի եւ Ռուսաստանի նախագահները քննարկելու են գազի սակագնի հետ կապված հարցը, սակայն դրա հետ կապված վերջնական որոշումը պետք է կայացնեն երկու տնտեսվարող սուբյեկտները` «Հայռուսգազարդը» եւ «Գազպրոմը»: Այդ հարցն, ըստ «Գազպրոմի» մամուլի ծառայության ներկայացուցչի, պետք է հստակեցվեր մարտի վեջին:
Նշեք, որ խորհրդարանական լսումներ կազմակերպելու նախաձեռնությունը ՀՅԴ-ինն է:
