Հիշեցնենք, որ փետրվարի 21-ին Սուրբ Սարգիս եկեղեցու մերձակայքում հայտնաբերվել էր ընկեցիկ երեխա, որին տեղափոխել էին Երեւանի Նորքի մանկատուն եւ բժշկական հետազոտություն ենթարկելուց հետո պարզվել էր, որ երեխան ռախիտ է եւ նյարդային համակարգի հետ կապված խնդիրներ ունի:
Ոստիկանության ծառայողների ձեռնարկած միջոցառումներով պարզվել է երեխայի եւ մոր ինքնությունը, երեխան ծնվել է 2009 թվականին, անունը Ամինա է, իսկ հիվանդ երեխային լքած մայրը 23 ամյա Սառա Հ.-ն է: Այս մասին հայտնել են ոստիկանության լրատվության վարչությունից` վստահեցնելով, որ մանրամասներ դեռ չեն հայտնաբերվել, նույնիսկ հայտնի չէ, թե որտեղ է փոքրիկին լքած 23-ամյա մայրը:
