Թուրքական Milliyet-ի փոխանցմամբ` Էրդողանը նշել է, թե իր աղջիկը դիմել է ԱՄՆ դեսպանատուն վիզա ստանալու համար, սակայն նրան չեն ցանկացել վիզա տրամադրել եւ պատճառաբանել են, թե լուսանկարը համապատասխան չէ: «Խնդիրը լուծվեց իմ եւ մյուս թուրք պաշտոնյաների միջամտությունից հետո: Երբ վարչապետի աղջկան են այդպես վերաբերվում, իսկ հասարակ քաղաքացիներին ի՞նչ օրն են դնում»,-ասել է Էրդողանը:
Թուրքիայի վարչապետի այս մեղադրանքին ժամեր անց պատասխանել է Անկարայում ԱՄՆ դեսպանությունը` նշելով, որ վիզա պահանջողներին չեն ստիպում գլխաշոր չկրել, սակայն լուսանկարի կանոնների մեջ մտնում այն, որ դիմողի դեմքը ամբողջությամբ բաց լինի:
