«Ես նման արհեստական բաժանում ընդհանրապես չէի կիրառի, հատկապես Տեր-Պետրոսյանի պարագայում, ով ապացուցել է, որ վճռական պահերին, պատերազմական գործողությունների ժամանակ կարող է ամենաարմատական քայլերն անել եւ ծնկի բերել հակառակորդին: Բայց նաեւ ապացուցել է, որ կարող է լինել շատ ճկուն եւ հակված քաղաքական փոխզիջումների։ Կարծում եմ, Լեւոն Տեր-Պետրոսյանի քաղաքական բնավորությունը, սպեկտրը շատ ավելի հարուստ է։ Երբ պետք է, նա կարող է բազե լինել, երբ պետք է՝ աղավնի»,-ամփոփեց Զուրաբյանը։
Նշենք, որ նախօրեին տեղի ունեցած մամուլի ասուլիսի ժամանակ ՆԺԿ առաջնորդ Արամ Կարապետյանը կարծիք էր հայտնել, որ իշխանությունն ընդդիմադիր դաշտի գործիչներից ոմանց աղավնի, ոմանց էլ «յաստրեբ» է համարում, ընդ որում, ինքն իրեն դասակարգում է «յաստրեբների» շարքին, իսկ ահա Հայ ազգային կոնգրեսի առաջնորդ Լեւոն Տեր-Պետրոսյանին՝ աղավնիների։
