Ուդմուրտիայում գողը սողոսկել է մի տուն եւ որոշել է լվացքի մեքենայով լվանալ տաբատը: Վերադարձած տանտիրուհին չարագործին գտել է միան վարտիքով եւ շապիկով:
Զվարճալի դեպքը պատահել է Դեբեսի գյուղում: Կինը պատմել է, թե շատ է զարմացել սեփական տանը կիսամերկ տղամարդ տեսնելով, ով փորփրել է նրա անձնական իրերը, հաղորդում է «ՌԻԱ Նովոստին»: Հանկարծակիի եկած հանցագործը փախել է` թողնելով ավարը:
«Վհատված տանտիրուհին նկատել է, որ իր լվացքի մեքենայում է ձախորդ գողի տաբատը», - Ուդմուրտիայի ոստիկանության աշխատակիցներին է մեջբերում «Ինտերֆաքսը»: Հանցագործին չի հաջողվել թաքնվել: «Սառնամանիքին կիսամերկ փախչող տղամարդուն նկատել է տանտիրուհու ամուսինը: Նա անձամբ է գողին բռնել եւ տարել ոստիկանական բաժանմունք», -հայտնել են հանրապետության դատախազությունից:
Տղամարդը խոստովանել է, որ ուրիշի տուն սողոսկելիս գտնվել է հարբած վիճակում: Նա պատմել է, թե ցանկացել է լվանալ տաբատը, հավաքել թանկարժեք իրերն ու հեռանալ մինչ տանտերերի վերադարձը, սակայն դա չի հաջողվել:
Ձախողակ չարագործի նկատմամբ քրեական գործ է հարուցվել: