Նախագահի ելույթում ձեւակերպվել էին սպառողների 4 հիմնական իրավունքները՝ անվտանգության, տեղեկատվության, ընտրության եւ լսված լինելու։
Հետագայում դրանց գումարվել է եւս 4–ը՝ վնասի փոխհատուցման իրավունք, սպառողական կրթության իրավունք, հիմնական պահանջների բավարարման իրավունք եւ առողջ շրջակա միջավայրի իրավունք։
Առաջին անգամ այդ օրը նշվել է 1983թ. մարտի 15–ին, երբ այն տոների միջազգային օրացույցում ամրագրվել է որպես Սպառողների իրավունքների պաշտպանության միջազգային օր։
2001 թ. Հայաստանում ընդունվել է «Սպառողների իրավունքների պաշտպանության մասին» օրենքը։ Ներկայում 4 հասարակական կազմակերպություններ ակտիվ գործունեություն են իրականացնում սպառողների իրավունքների պաշտպանության ոլորտում։
