Նախքան հանրահավաքի մեկնարկը հավաքվածները մեկ րոպե լռությամբ հարգեցին Ճապոնիայի աղետալի երկրաշարժի զոհերի եւ արաբական աշխարհում հանուն իրենց անկախության նահատակվածների հիշատակը:
ՀԱԿ-ի այսօրվա հանրահավաքը վարում է ՀՀՇ վարչության նախագահ Արամ Մանուկյանը: Նա ողջունեց բոլոր հավաքվածներին` վստահեցնելով, որ հաղթանակը շատ մոտ է:
Հանրահավաքին ժամանել են տարբեր մարզերի բնակիչներ` իրենց համայնքների քաղբանտարկյալների պաստառներով: Որոշ պաստառներով նրանք պահանջում նոր ընտրություններ: Այսօրվա հանրահավաքին երիտասարդները մեծ թիվ են կազմում , կան նաեւ բազմաթիվ երեխանները: Մարդիկ հանրահավաքի են եկել բարձր տրամադրությամբ եւ սպասելիքներով:
Հանրահավաքի մասնակիցների շարքերը Մատենադարանի մոտից հասնում են մինչեւ Նաիրի կինոթատրոն: Ոստիկանների եւ ցուցարարների միջեւ որեւէ բախում տեղի չի ունեցել: Այսօր ավելի մեծ թվով ոստիկաններ կան ոչ թե մատենադարանի հարակից տարածքում, այլեւ օպերայի շրջակայքում: Այս պահին Ազատության հրապարկի շուրջ ոստիկանները շղթա են կազմել: Հիշեցնենք, որ Ազատության հրապարակում է «Ժառանգություն» կուսակցության նախագահ Րաֆֆի Հովհաննիսյանը:
a1plus.am
