Հայաստանի վարչապետը սեփական ինտերնետային կայք է բացել

Հայաստանի վարչապետ Տիգրան Սարգսյանն արդեն իր սեփական ինտերնետային կայքն ունի՝ http://www.tigransargsyan.am հասցեով։

«Բարեկամներ, ասուհետեւ շարունակելու եմ իմ շփումը Ձեզ հետ նաեւ www.tigransargsyan.am կայքի միջոցով: Նման որոշման համար հիմք հանդիսացավ «նոր վիրտուալ տարածքներ յուրացնելու» ցանկությունը»,- գրում է վարչապետն իր նորաբաց ինտերնետային կայքում եւ ավելացնում. «Միաժամանակ ցանկանում եմ տեղեկացնել, որ բոլոր գրառումներս արտացոլվելու են նաեւ կենդանի մատյանի իմ էջում։ Կրկին շնորհակալություն իմ բլոգն այցելելու համար, բոլորիդ սպասում եմ իմ կայքում»:

Նշենք, որ վարչապետի նոր կայքում կարելի է գտնել տեղեկատվություն վարչապետի կենսագրության մասին, «անցուդարձ» բաժնում ծանոթանալ նորություններին, «ֆոտոալբոմ» եւ «տեսանյութեր» բաժիններում տեսնել վարչապետի նկարներն ու տեսանյութեր եւ այլն։ Կայքում կա նաեւ բլոգ բաժինը, որը այցելուներին ուղղորդում է դեպի վարչապետի բլոգը՝ http://tigransargsyan.livejournal.com/։

Նորաբաց ինտերնետային կայքում կա նաեւ «հետաքրքրությունների» բաժին, որտեղ վարչապետն առաջարկում է որեւէ բան լսել կամ կարդալ։

Posted in: Վարչապետ,Քաղաքականություն