Հիլարի Քլինթոնը պարզաբանել է, թե ինչու է փակել բերանը

ԱՄՆ պետքարտուղար Հիլարի Քլինթոնը պատմել է այն լուսանկարի ի հայտ գալու հանգամանքների մասին, որտեղ ներկայացված է ԱՄՆ-ի բարձրագույն ղեկավարությունն այն պահին, երբ նրանք դիտում են Ուսամա բեն Լադենի ոչնչացման գործողությունը: Լուսանկարում Քլինթոնը լարված նստած է սեղանի մոտ եւ ձեռքով փակել է բերանը:

Ինչպես պատմել է ինքը` Քլինթոնը, այդ պահին իր հազը գալիս էր եւ ինքը հազիվ է զսպել իրեն, որպեսզի չհազա, հաղորդում է «ՌԻԱ նովոստին» `վկայակոչելով «Ասոշեյթեդ Պրեսս»-ին:

ԱՄՆ պետքարտուղարը պատմել է, որ բեն Լադենի տան վրա ԱՄՆ ռազմածովային ուժերի հատուկջոկատայինների հարձակումը դիտելիս ապրել է իր կյանքի «ամենալարված 38 րոպեները»: Քլինթոնը չի հիշում, թե այդ լարված րոպեների ժամանակ հատկապես երբ է Սպիտակ տան մամուլի ծառայության լուսանկարիչը արել հայտնի լուսանկարը:

Այդուհանդերձ, պարզվում է, ձեռքով բերանը փակելու ժեստը լարվածության նշան չէ: ԱՄՆ պետքարտուղարի մոտ գարնանը սրվում է ալերգիան եւ նա ձեռքով փակել էր բերանը, որպեսզի չհազա կամ չփռշտա ԱՄՆ-ի եւ մարդկության համար բախտորոշ այդ պահին:
Հիշեցնենք, որ «Ալ-Քաիդայի» առաջնորդ Ուսամա բեն Լադենը ոչնչացվել է մայիսի 2-ին Պակիստանի մայրաքաղաքից ոչ հեռու: Ահաբեկչի մարմինը «թաղել են» ծովում:

Posted in: ԱՄՆ,Քաղաքականություն