«Էրեբունի» բժշկական կենտրոնից ապրիլի 30-ին ոստիկանության Էրեբունու բաժնում հաղորդում է ստացվել, որ մարմնական վնասվածքներով իրենց մոտ բուժօգնության են տեղափոխվել 18-ամյա Արթուր Մ.-ն եւ 17-ամյա Արշակ Մ.-ն:
Ոստիկանության մամուլի ծառայությունից հայտնում են, որ նրանք հայտնել են, որ նույն օրը, ժամը 13.00-ին, 15-20 անհայտ անձինք Նոր-Արեշ թաղամասում, վիճաբանության ժամանակ, հայհոյել են իրենց եւ ձեռքերով, ոտքերով ու քարերով հարվածելով՝ պատճառել վնասվածքներ:
Ոստիկանները պարզել են, որ խուլիգանությանը մասնակցել են 17-ամյա Սարգիս Վ.-ն եւ 18-ամյա Մանուկ Գ.-ն:
Ձեռնարկվում են միջոցառումներ նրանց, ինչպես եւ խուլիգանության մյուս մասնակիցներին հայտնաբերելու ուղղությամբ:
Կատարվում է հետաքննություն:
May 2, 2011
Նոր Արեշում 15-20 անձինք ձեռքերով, ոտքերով ու քարերով ծեծել են 2 երիտասարդների
5:36 PM
Նորություններ Հայաստանից