Հայտնի են դարձել Տյումենում հայ ընտանիքի սպանության մանրամասները: Քննչական կոմիտեի ներկայացուցչի խոսքով, հարձակվողներն առայժմ չեն պարզվել: Սպանվածներն ունեցել են Ռուսաստանի քաղաքացիություն: 38-ամյա Լազր եւ 37-ամյա Գագիկ Պետրոսյանները ազատ էին արձակվել բանտից անցած տարի: Նրանք դատապարտվել էին խարդախության, գողության եւ թմրանյութերի պահման համար: Ազատվելուց հետո նրա տեղափոխվել էին Տյումեն եւ որեւէ տեղ չէին աշխատում, ինչն, ըստ քննիչների, հիմք է կարծելու, որ եղբայրները շարունակել են հանցագործություններ կատարել:
Հարձակման ժամանակ տանը 11 մարդ է եղել: Եղբայրներից մեկը սպանվել է տեղում, իսկ մյուսին գտել են որոշ ժամանակ անց: Այդ ընթացքում հարձակվողները սպանել են եղբայրների մորն ու մեկի կնոջը: Վիրավորվել է Պետրոսյանների քույրը եւ երեխաներից մեկը:
Ազգամիջյան սպանության վարկածն անմիջապես հերքվել է, քանի որ վկաների փոխանցմամբ դիմակավորված անձինք խոսել են հայերեն:
