«Հայոց աշխարհ». Պարսիկ վարորդները Հայաստան են մտել Ադրբեջանի դրոշներով

Թերթը գրում է, որ մայիսի 9-ի երեկոյան՝ ժամը 18:00-ի սահմաններում, Գորիս-Երեւան մայրուղում, Գորիսից ոչ հեռու, մի խումբ հայ երիտասարդներ, որոնք Արցախում եռատոնին նվիրված տոնական միջոցառումներից վերադառնում էին Երեւան, նկատել են, որ 22 A 454 10 պետհամարանիշով պարսկական բեռնատար մեքենաներից մեկին կցված են ադրբեջանական դրոշներ:

Հայ երիտասարդների այն հարցին, թե ինչու է Ադրբեջանի պետական խորհրդանիշը պատկերված իր մեքենայի վրա, բեռնատարի վարորդը հստակ պատասխան չի տվել: Մեկ այլ մեքենայի վարորդ, որը մի կերպ է խոսել հայերեն, փորձել է ներողություն խնդրել եւ արդարանալ, որ տվյալ մեքենայի վարորդը առաջին անգամ է Հայաստան գալիս, իսկ մինչ այդ մեքենան շահագործվել է Ադրբեջանում:

Հայ երիտասարդները պահանջել են վերացնել մեքենայի վրա պատկերված դրոշները։ Պարսիկ վարորդները չեն առարկել եւ համատեղ ուժերով մաքրել են դրանք:

Posted in: Ադրբեջան,Հայաստան,Հասարակություն,Քաղաքականություն