«Բայց վստահ եմ, որ նստացույց չի լինի, որովհետեւ քաղաքական գործընթացները գնում են այնպիսի ուղղությամբ, որ մայիսի 31-ի հանրահավաքում ելույթ կունենան ե´ւ Նիկոլ Փաշինյանը, ե´ւ Սասուն Միքայելյանը: Այլապես ինձ ոչինչ չի մնում անելու, քան միանալ նստացույցին»,- ասաց Զուրաբյանը:
Նա միաժամանակ նշեց, որ գալու է մի պահ, երբ ժողովուրդը թքած կունենա ՀԱԿ-ի կարծիքի վրա, ինչպես նաեւ Ղարաբաղի խնդրի հետ կապված արգելանքների վրա եւ կընդվզի: «Իսկապես, երկրում ծանրագույն սոցիալական վիճակ է ստեղծված, եւ ժողովուրդը հակված է ծայրահեղ գործողությունների»,-նկատեց ՀԱԿ համակարգողը:
Զուրաբյանն առարկեց այն պնդումներին, թե ամեն հանարհավաքից հետո ՀԱԿ-ի համակիրների բանակը նոսրանում է: Ըստ նրա` ՀԱԿ-ի համակիր զանգվածը վերկրիտիկական է: «Այսօրվա ժողովրդի քանակը լրիվ բավարարում է, որպեսզի մենք շարժվենք առաջ»,-նկատեց ՀԱԿ համակարգողն ու հավելեց, որ իշխանափոխության հասնելու պրոցեսի առաջ գնալու միակ երաշխիքը ժողովրդի մասնակցությունն է: Ուստի` ՀԱԿ-ն ամեն ինչ անելու է, որպեսզի հնարավորինս շատ քաղաքացիներ մասնակցեն համաժողովրդական շարժմանը:
