Հիշեցնենք, որ 2011 թ. պետական բյուջեի մասին օրենքով 12-ամսյա գնաճը պետք է գտնվի 4+-1.5 տոկոս միջակայքում, սակայն վերջին ամիսներին կայուն գերազանցում է 10 տոկոսը: Այսինքն` գնաճի նպատակային միջակայքից շեղումը գերազանցում է 100 տոկոսը: Ըստ Սահմանադրության` ԿԲ-ն պատասխանատու է գների կայունության համար:
Ըստ Ա. Մինասյանի` ԿԲ-ն ձախողում է նաեւ ֆինանսական համակարգի զարգացումը, քանի որ հիմնական ուշադրությունը բեւեռում է առեւտրային բանկերին; Այդ պարագայում ֆինանսական սեկտորի մյուս ինստիտուտները, ըստ Մինասյանի, հնարավորություն չունեն զարգանալու; Նրա կարծիքով` ԿԲ-ից պետք է վերցնել ֆինանսական շուկայի մյուս հատվածների կարգավորման գործառույթը եւ հանձնել այլ պետական մարմինների:
