Ինչպես տեղեկացնում է թուրքական Hurriyet-ը, Թուրքիայի հրեաների համայնքի ներկայացուցիչները հրեաների հեռանալու փաստը բացատրում են տնտեսական գործոններով։
Թուրքիայից Իսրայել գաղթած հրեաների կողմից ստեղծված միության կողմից ներկայացված տվյալներով՝ 2010-ին 101 հրեա գաղթել է Իսրայել, իսկ 2011-ի հունվար եւ փետրվար ամիսներին՝ 8 հոգի։ Կրթություն ստանալու նպատակով Թուրքիայից արտասահման մեկնած երիտասարդ հրեաների մի մասը եւս չի վերադառնում Թուրքիա։
Նշվում է, որ Թուրքիայի մոտ 20 հազարանոց հրեական համայնքում ծնունդները պակասել են, մահացություններն՝ ավելացել։
