Էմմին «Եվրատեսիլ 2011»-ի եզրափակիչ չի անցել ժյուրիից ստացած ցածր միավորների պատճառով

Եվրոպական հեռարձակողների միությունը հրապարակել է «Եվրատեսիլ 2011»-ի քվեարկության պաշտոնական արդյունքները, որոնցից պարզ է դարձել, որ ժյուրին Հայաստանը ներկայացնող Էմմիի ելույթը բավական ցածր է գնահատել: Այս մասին հայտնում է մրցույթի պաշտոնական կայքէջը։

Ըստ քվեարկության արդյունքների՝ Էմմին, հեռուստադիտողի տված միավորներով, կարող էր հաղթահարել առաջին կիսաեզրափակիչ փուլը, սակայն նրա ելույթը ցածր է գնահատել հենց ժյուրին: Հեռուստադիտողներից ստացած քվեներով Էմմին հավաքել է 75 միավոր` հայտնվելով հեռուստաքվեարկության 7-րդ տեղում, սակայն ժյուրին նրան տվել է ընդամենը 33 միավոր, ինչի արդյունքում այդ օրվա 19 ելույթների մեջ Հայաստանի ներկայացուցիչը հայտնվել է 12-րդ տեղում:

Հեռուստադիտողի եւ ժյուրիի քվերակություններից ստացված արդյունքների միավորումից Էմմին վաստկել է 54 վերջնական միավոր` առաջին կիսաեզրափակիչ փուլում հավասար միավորներով Մալթայի հետ հայտնվելով 11-րդ եւ 12-րդ տեղում:

Էմմիից ընդամենը 1 միավորով առաջ է անցել Շվեյցարիան, ինչն այդ երկրի ներկայացուցչին հնարարավորություն էր տվել անցնել եզրափակիչ փուլ:

Read More

Երգչուհի Սոֆի Մխեյանին օգնում է ոչ թե սիրեկանը, այլ….

Թերթը հարցազրույց է վարել երգչուհի Սոֆի Մխեյանի հետ: Ներկայացնում ենք մի հատված զրույցից:

Երբ դու ոստք դրեցիր շոու-բիզնես, հայրդ Ազգային ժողովի պատգամավոր էր: Եւ սկսեցին խոսել այն մասին, որ հայրդ է քեզ աջակցել, եւ նրա միջոցով ես բեմ բարձրացել:

Հայրս` ժամանակին լինելով պարարվեստի մեջ, իր մաշկի վրա է զգացել բեմ ասվածի ե’ւ դրական, ե’ւ բացասական կողմերը: Երբ տարիներ առաջ հայտնեցի նրան` երգով զբաղվելու իմ մտադրության մասին, նա ամեն գնով փորձում էր ետ պահել ինձ այդ որոշումից: Նա միշտ նշում էր, որ այն ամենն, ինչ մենք տեսնում ենք եթերով, ընդամենը բացասական կողմերով լի` հսկայական սառցաբեկորի գեղեցիկ, խնամված գագաթն է միայն: Ետ չկանգնելով իմ որոշումից, ես կարողացա ապացուցել իմ ընտանիքին, որ կարող եմ լինել այդ ոլորտում եւ զերծ մնալ այն ամենից, ինչից այդքան խուսափում էր հայս: Այսօր ես բաց ճակատով ընտանիքիս հետ քննարկում եմ իմ յուրաքանչյուր անելիք եւ այդ նույն բաց ճակատով էլ ներկայանում եմ հանդիսատեսին: Նա, ով գնում է իմ ձայներիզը, նայում է իմ տեսահոլովակներն ու ներկա լինում իմ մասնակցությամբ համերգներին, անում է դա` առանց մտածելու, որ հայրս ժամանակին պատգամավոր է եղել: Տվյալ հանդիսատեսին պարզապես դուր է գալիս իմ կատարած աշխատանքը: Եւ, ի վերջո, այդ ո՞ր զավակ սիրող հայրը չի փորձում աջակցել իր երեխային: Ասեմ նաեւ, որ շատ ավելի լավ է լսել, որ հայրդ է քեզ աջակցում, քան` սիրեկանդ:

Read More

«Հայաստան» հիմնադրամը տեսահոլովակների մրցույթ է հայտարարում. պրեմիերան «Հեռուստամարաթոն-2011»-ին

«Հայաստան» համահայկական հիմնադրամը հայ երգարվեստի գործիչներին հրավիրում է իրենց նոր երգերի տեսահոլովակներով մասնակցել «Հեռուստամարաթոն 2011»-ին:

Նպատակ ունենալով խթանել հայ երգարվեստը Հայաստանում, Արցախում եւ Սփյուռքում ` Հիմնադրամը, ի թիվս իր հաշվետու, սոցիալական եւ գովազդային տեսահոլովակների, «Հեռուստամարաթոն 2011»-ի 12-ժամյա եթերի ընթացքում նախատեսում է նաեւ հեռարձակել մի շարք նոր երգերի տեսահոլովակներ:

Այս կապակցությամբ, Հիմնադրամը հայտարարում է նոր գրված երգերի տեսահոլովակների հայտերի ներկայացման մեկնարկը` հնարավորություն ընձեռելով հայ երգիչ-երգչուհիներին իրենց տեսահոլովակների առաջին ցուցադրությունն իրականացնել Հիմնադրամի Հեռուստամարաթոն 2011-ի հեռարձակման ընթացքում: Հայտնի է, որ Հիմնադրամի հեռուստամարաթոնը յուրաքանչյուր տարի կաբելային, արբանյակային, ինտերնետային հեռարձակմամբ սփռվում է բոլոր մայրցամաքներում եւ լսելի ու տեսանելի է աշխարհի բոլոր անկյուններում:

Տեսահոլովակների ընտրությունը վերապահվում է հեռուստամարաթոնի կազմակերպման ստեղծագործական խմբին: Հայ երգարվեստի արդեն հայտնի անունների կողքին Հիմնադրամը ողջունում է նաեւ շնորհալի երիտասարդ երգիչ-երգչուհիների մասնակցությունը Հայաստանից, Արցախից եւ սփյուռքից, եթե նրանց կողմից ներկայացված տեսահոլովակները համապատասխանում են ստեղծագործական խմբի սահմանած չափանիշներին:

Հայտերի ներկայացման համար պարտադիր են հետեւյալ պայմանները.

- Տեսահոլովակներ կարող են ներկայացնել Հայաստանի, Արցախի կամ սփյուռքի երգիչ-երգչուհիները,

- Կդիտարկվեն տարբեր լեզուներով եւ ամենատարբեր թեմաներով երգերը, սակայն նախապատվությունը կտրվի հայրենասիրության թեմաներով երգերին,

- Տեսահոլովակի տեւողությունը չպետք է գերազանցի 4 րոպեն,

- Ներկայացվող տեսահոլովակները պետք է պատրաստված լինեն HD որակային չափանիշով,

- Տեսահոլովակները Հիմնադրամ պետք է ներկայացվեն ոչ ուշ քան 2011թ. հոկտեմբերի 1-ը :

Հիմնադրամը որեւէ նյութական մասնակցություն չի բերում տեսահոլովակների պատրաստմանը: Լրացուցիչ տեղեկությունների համար կարող եք գրել stepan@armeniafund.org ` հեռուստամարաթոնի երաժշտական արտադրիչ Ստեփան Փարթամյանին:

Read More

Էմմիին դիմավորեցին ծաղիկներով և ծափողջուններով (վիդեո)

«Եվրատեսիլ-2011»-ում Հայաստանի ներկայացուցիչ Էմմին այսօր` մայիսի 16-ի գիշերը վերադարձել է Հայաստան:  Զվարթնոց օդանավակայանում երգչուհուն դիմավորել են ծափողջյուններով ու ծաղիկներով, նա իրեն լավ է զգում: Մենեջերը չնշեց, թե երբ է լինելու երգչուհու ասուլիսը` ասելով, որ այդ հարցով պետք է դիմել Հանրային հեռուստաընկերությանը:

Դեռեւս մայիսի 13-ից` ուրբաթ օրվանից, փորձում ենք կապվել Հանրային հեռուստառադիոընկերության խորհրդի նախագահ Ալեքսան Հարությունյանի հետ, սակայն կամ նա զբաղված է, կամ էլ տեղում չէ:

Նշենք, որ մայիսի 11-ին տեղի ունեցած «Եվրատեսիլ-2011»-ի առաջին կիսաեզրափակչում Էմմին պարտություն կրեց եւ եզրափակիչում ներկայացված չի լինի: Եվրատեսիլ-2011-ում հաղթել է ադրբեջանցի երգիչներ Էլդար Գասիմովի եւ Նիգյար Ջամալին: «Եվրատեսիլ-2012»-ը կանցկացվի Ադրբեջանում:

Read More

«Եվրատեսիլի» մասնակիցները որքա՞ն գումար են վաստակում

Հայտնի է դարձել, թե որքան գումար են վաստակում «Եվրատեսիլի» մասնակիցները, գրում է Paparazzi.ru-ն: «Ֆորբս» ամսագրի տվյալներով, Դիմա Բիլանը, ով մասնակցել է «Եվրատեսիլ-2006»-ին եւ հաղթել «Եվրատեսիլ-2008»-ին, 2010 թվականին վաստակել է շուրջ 3,7 միլիոն դոլար: Ի դեպ, մինչ «Եվրատեսիլում» իր հաղթանակը նրա պրոտեժե Յանա Ռուդկովսկայան 50 հազար դոլար է պահանջել` կեսժամանոց մենահամերգի համար, իսկ նրա «Believe» երգի հաղթանակից հետո երգչի եկամուտները աճել են 30 տոկոսով:

Փեթեր Նալիչը, ով մասնակցել է 2010 թվականի երգի մրցույթին, անցյալ տարի հնարավորությունէ ունեցել վաստակել 900 հազար դոլար:

Ռուսաստանցի հայտնի երգիչ Ֆիլիպ Կիրկորովը, ով 1995 թվականին երգի եվրոպական մրցույթում կարողացավ զբաղեցնել միայն 17-րդ տեղը, եւս մեծ գումարներ է վաստակում` պարապելով երիտասարդ տաղանդների հետ: Արդյունքում նրա պրոտեժե Դմիտրի Կալդունը 2006 թվականին զբաղեցրեց 6-րդ տեղը, իսկ Անի Լորակը 2008 թվականին նվաճեց երկրորդ տեղը: 2010 թվականին Ֆիլիպ Կիրկորովի եկամուտները կազմել են 5 միլիոն դոլար, իսկ Անի Լորակը, ինչպես նաեւ Սվետլանա Լոբոդը, վաստակում են շուրջ 15-25 հազար դոլար մեկ համերգի դիմաց: Աղքատ չէ նաեւ «Եվրատեսիլի» նորվեգիացի մասնակիցը, ով աշխարհը նվաճեց հեքիաթի մասին իր երգով: Ալեքսանդր Ռիբակը Ռուսաստանում կազմակերպվող քեֆերի ու հավաքույթների մշտական հյուրն է, որի ելույթները գնահատվում են 60-75 հազար դոլար:

Read More

Եվրատեսիլի ներքնազգեստը

Եվրատեսիլում իրենց հաղթանակն այնքան է հուզել Ադրբեջանի ներկայացուցիչներին`Ell & Nikki-ի դուետին, որ նրանցից Նիգյար Զամալը բեմում ցատկոտելիս ողջ Եվրոպային ցույց է տվել իր ներքնազգեստը:

Ավելի համեստ է եղել Էլդար Քասիմովը, սակայն Նիգյարի մարմնագույն ներքնազգեստը ստվերել է ադրբեջանցի զույգի «համեստությունը»:

Լուսանկարը դարձել է համացանցի «հիթ». մեկնաբանություններից մեկում հեղինակը գրում է ` սա փաստորեն Եվրատեսիլ չէր, այլ` «թումբանատեսիլ»:

Read More

Հայաստանը «Եվրատեսիլ-2011»-ի եզրափակիչ չանցավ

Հայաստանը «Եվրատեսիլ 2011»-ի եզրափակիչում ներկայացված չի լինի: Առաջին կիսաեզրափակչի արդյունքներով եզրափակիչ փուլ անցան Սերբիան, Հունաստանը, Լիտվան, Ադրբեջանը, Վրաստանը, Շվեյցարիան, Հունգարիան, Ֆինլանդիան, Ռուսաստանն ու Իսլանդիան ներկայացնող երգիչները։

Հայաստանը ներկայացնող երգչուհի Էմմին «Boom-Boom» երգով ելույթ ունեցավ 4-րդը։ Ի դեպ, վերջին վեց տարում Հայաստանն առաջին անգամ չանցավ եզրափակիչ:

Նշենք, որ Հայաստանը մասնակցում է «Եվրատեսիլին» 2006թ.-ից: Այդ տարի Անդրեն գրավեց 8-րդ տեղը: Նույն դիրքում էր նաեւ Հայկոն` 2007-ին: 2008-ին Սիրուշոն Հայաստանին բերեց 4-րդ հորիզոնականը: 2009-ին Ինգա եւ Անուշ Արշակյանները զբաղեցրել են 10-րդ տեղը, իսկ անցած տարի Եվա Ռիվասը 7-րդն էր:

Նշենք, որ Էմիի հաղթանակի հավանականությունը բուքմեյքերները դրական էին գնահատել, սակայն հաղթանակի ամենամեծ հավանականությունը տրվել էր Ֆրանսիան ներկայացնող Ամորի Վասալիին։

Read More

"Կյանքի գին" հեռուստասերիալի Արամը գտնվում է հիվանդանոցում

Երեւանում մայիսի 9-ի առավոտյան «Սուրբ Գրիգոր Լուսավորիչ» բժշկական կենտրոն տեղափոխված «Արմենիա» հեռուստաընկերությամբ եթեր հեռարձակվող «Կյանքի գինը» հեռուստասերիալում Արամ Ռուբինյանի դերակատար Աշոտ Մաթեւոսյանը եւ «Արմենիա» հեռուստաընկերության աշխատակից Թամարա Աբաջյանը գտնվում են նեյրովիրաբուժական բաժանմունքում, իսկ Անահիտ Բաղդասարյանը` վերակենդանացման բաժանմունքում: Այս մասին հայտնեցին «Սուրբ Գրիգոր Լուսավորիչ» բժշկական կենտրոնից: Նրանց փոխանցմամբ`Աշոտ Մաթեւոսյանի եւ Թամարա Աբաջյանի վիճակը լավ է, միջին ծանրության, ունեն վնասվածքներ,իսկ Անահիտ Բաղդասարյանի վիճակը ծանր է, նա ունի ծանր գանգուղեղային տրավմա:

Հիշեցնենք,որ Երեւանում մայիսի 9-ին ժամը 06:45-ի սահմաններում ավտովթար է տեղի ունեցել Մյասնիկյան պողոտայում` Բելաջիո ռեստորանային համալիրից վերեւ: Ինչպես վկայում են ներկաները, «Նիսսան» մակնիշի 20 ՏՍ 663 համարանիշի ավտոմեքենայի վարորդը, ըստ նախնական տեղեկությունների, չկարողանալով կառավարել ավտոմեքենան, բախվել է մայթեզրի բետոնե արգելապատնեշին, ապա նաեւ` ծառին: Վթարի հետեւանքով 3 մարդ մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն:Վարորդին եւ ուղեւորներին ավտոմեքենայից դուրս բերելու համար դեպքի վայր են ժամանել ԱԻՆ Հայաստանի փրկարար ծառայության Փրկարար հատուկ ջոկատի աշխատակիցները, ովքեր հատուկ տեխնիկայի օգտագործմամբ կարողացել են դուրս հանել նրանց: Մեքենայում եղել են 26-ամյա Աշոտ Մաթեւոսյանը, ով «Արմենիա» հեռուստատեսությամբ հեռարձակվող «Կյանքի գինը» հեռուստասերիալում Արամ Ռուբինյանի դերակատարն է, մյուս երկու աղջիկները` 29-ամյա Թամարա Աբաջյանը եւ Անահիտ Բաղդասարյանը նույնպես «Արմենիա» հեռուստաընկերության աշխատակիցներ են: Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության Երեւանի քննչական վարչության ճանապարհատրանսպորտային հանցագործությունների քննության բաժնի քննիչ Աշոտ Ասատուրյանը: Նրա հանձնարարականով մեքենան տեղափոխվել է Երեւանի ՃՈ տուգանային հրապարակ:

Read More

Մրայա Քերին երկվորյակ է ունցել

Ամերիկյան աստղ Մրայա Քերին ապրիլի 30 -ին Լոս Անջելեսի էլիտար կլինիկաներից մեկում երկվորյակ է ունեցել` տղա եւ աղջիկ:

Երգչուհու գործակալ Սինդի Բերգերը լրագրողներին պատմել է, որ երգչուհու ամուսինը` ռեպեր Նիկ Քենոնը անձամբ է կնոջը հիվանդանոց տեղափոխել:

Քենոնն ու Քերին ամուսնացել են 2007 թ-ին: Նրանք հիմա պատրաստվում են բնակավել իրենց երկու բնակարաններում` Նյու Յորքում եւ Լոս Անջելեսում, որտեղ արդեն պատրաստվել են մանկական սենյակներ:

Read More

Վլադիմիր Պուտինը նեղացրել է Արմեն Ջիգարխանյանին

Դերասան Արմեն Ջիգարխանյանի անունը չի հայտնվել Ռուսաստանի վարչապետ Վլադիմիր Պուտինի հետ հանդիպման հրավիրվածների ցուցակում։

Հանդիպումը տեղի է ունեցել Պենզայի Դրամատիկական նոր թատրոնում, սակայն նախատեսվելիք միջոցառման կապակցությամբ անհարմար իրավիճակը տեղի է ունեցել Մոսկվայում։

Ինչպես հայտնում է Life News-ը, երբ դերասանը ժամանել է օդանավի մոտ, որպեսզի թռչի Պենզա, պարզվել է, որ նրա անունը ուղեւորների ցուցակում չկա։ Նա վերադարձել է իր ավտոմեքենան։

20 րոպե անց կազմակերպիչները ներողություն են խնդրել Ջիգարխանյանից։ Սակայն դերասանը կտրականապես հրաժարվել է օդանավ բարձրանալ՝ իրեն վիրավորված զգալով։ Նա հեռացել է «Շերեմետեւո» օդանավակայանից:

Read More

Կիրկորովի 44-ամյակը ավարտվել է ծեծկռտուքով

Իր 44-ամյակը ռուս երգիչ Կիրկորովը որոշել է նշել Իսրայելում համերգով: Նա համերգը նվիրել է Ալլա Պուգաչովային, քանի որ հենց այդտեղ են նրանք պսակադրվել:

Համերգը կայացել է Թել Ավիվի ամենամեծ համերգային սրահում` «Նոկիա արենայում»: Հավաքվել են ավելի քան վեց հազար մարդ, համերգի տոմսերն սպառվել են մեկ ամիս առաջ: Կիրկորովին, ի թիվս այլ նվերների, նաեւ տորթ են նվիրել, որը նա հանձնարարել է տալ մանկատուն:

Սակայն ինչպես փոխանցում է Life News-ը, շոուն առանց միջադեպի չի անցել: Ծեծկռտուք են հրահրել թիկնապահները` թույլ չտալով հանդիսատեսներից մեկին մինչ համերգի ավարտը լքել դահլիճը: Տղամարդու նյարդերը տեղի են տվել եւ նա հարձակվել է անվտանգության աշխատակիցների վրա, վերջիններս էլ նրան անմիջապես ձեռնաշղթաներ են հագցրել եւ դուրս բերել համերգասրահից:

Read More

Երաժիշտը մահացել է հենց բեմում

Երեւանում այսօր` ապրիլի 28-ին, ժամը 19-ի սահմաններում Արամ Խաչատրյանի անվան Օպերայի եւ բալետի ակադեմիական թատրոնի շենքում դժբախտ դեպք է տեղի ունեցել:

Ինչպես հայտնի է այդ ժամանակ պետք է Օպերայում տեղի ունենար Պարի պետական անսամբլի համերգը, սակայն համերգից առաջ պարապմունքի ժամանակ, դահլիճում, բեմի վրա հանկարծամահ է եղել 61-ամյա Համլետ Մուրադյանը: Նա պարի պետական անսամբլի ակորդեոնիստն էր:

Դեպքի վայր են մեկնել ոստիկանության Կենտրոնականի բաժնի օպերատիվ-քննչական խումբը` բաժնի պետ Սարգիս Մարտիրոսյանի գլխավորությամբ: Հրավիրել են դատական բժշկին եւ քննիչին: Նախնական զննությամբ դիակ վրա բնության հետքեր չկան:

Read More

Էմմին հրավերի դեպքում համերգներով հանդես կգա նաեւ Ադրբեջանում

ն«Եվրատեսիլ-2011»-ում Հայաստանը ներկայացնող Էմմին դեմ չէ մրցույթի շրջանակներում համերգներով եւ փրոմոտուրերով հանդես գալ նաեւ Ադրբեջանում, եթե այդ երկրից, իհարկե, համապատասխան հրավեր ստանա։ Այս մասին հայտնեց ինքը՝ երգչուհին՝ անդրադառնալով «Կոմսոմոլսկայա Պրավդա-Ուկրաինա»-ի հրապարակմանը, որում «Եվրատեսիլ-2011»-ի ադրբեջանցի մասնակիցներ Էլը (Էլդար Գասիմով) եւ Նիկկին (Նիգյար Ջամալ), պատասխանելով հարցին, կայցելեի՞ն արդյոք Երեւան, եթե մրցույթը կայանար Հայաստանում, պատասխանել են. «Մենք միշտ էլ հրավերների ենք սպասում բոլոր երկրներից: Երաժշտությունը, մշակույթը ազգության հարց չեն: Մենք ուրախ կլինենք մասնակցել համերգների ամենուրեք»:

Երգչուհու խոսքով, երաժշտությունը ո՛չ քաղաքականություն, ո՛չ ազգություն, ո՛չ էլ ուրիշ հանգամանքներ չի ճանաչում։ «Ինձ այդ առումով ոչ մի բան չի խանգարում, որովհետեւ քաղաքականությամբ երբեք չեմ հետաքրքրվել։ Եթե Ադրբեջանի եվրատեսիլյան պատվիրակության կողմից համերգներով հանդես գալու հրավեր լինի, չեմ մերժի առաջարկը։ Դա չի նշանակում, որ ես հայրենասեր չեմ, չեմ սիրում եւ հարգում իմ հայրենիքը, արհամարհում եմ նրան։ Հակառակը, իմ շատ արարքներով տարիներ շարունակ զինծառայողների եւ ոչ միայն նրանց համար երգելով՝ ծառայել եմ իմ հայրենիքին։ Եթե ես համերգներով մեկնեմ Ադրբեջան, չի նշանակում, որ որեւէ բան կփոխվի։ Մի շատ լավ ֆիլմում ասվում է՝ «Մուզիկանտ պոլիտիկա նիխտ», ես հենց այդպես էլ պատասխանում եմ։ Բացի այդ, իմ ծնողներից բազմիցս լսել եմ, որ իրենց ժամանակներում ադրբեջանցի երգիչների եւ արվեստագետների հետ համագործակցության շատ դեպքեր են եղել։ Քաղաքականության հետ կապված որեւէ հանգամանք նրանց այն ժամանակ էլ չի խանգարել»,- պատմեց Էմմին՝ ավելացնելով, որ իրեն ոչ մի բան չի կարող խանգարել ասելու, որ անկախ ազգությունից այս կամ այն մարդը լավ երաժիշտ է։

«Եվրատեսիլ-2011» մրցույթի հայաստանյան պատվիրակության ղեկավար Գոհար Գասպարյանն իր հերթին ավելացրեց, որ եթե ադրբեջանցի արտիստները մրցույթի շրջանակներում Երեւան գալու եւ համերգներ ունենալու ցանկություն հայտնեն, ապա իրենք դեմ չեն լինի ընդունել նրանց։ «Երգիչներն են ցանկություն հայտնում գնալ այս կամ այն երկիր, այնպես որ, թող իրենք ցանկություն հայտնեն, մենք էլ սիրով կընդունենք իրենց։ Մենք տարբերություն չենք դնի մրցույթի մասնակիցների միջեւ։ Ցանկացած հյուր, ով մրցույթի շրջանակներում ցանկանում է գալ մեր երկիր, այստեղ նորմալ ընդունելություն կգտնի»,- հավաստիացրեց Գասպարյանը։

Նշենք, որ մայիսի 10-14-ին Գերմանիայի Դյուսելդորֆ քաղաքում անցկացվելիք «Եվրատեսիլ 2011»-ին երգչուհի Էմմին հանդես կգա «Boom-Boom» երգով։

Read More

Եվրամիությունը հանդես է գալիս Կարսում «Հումանիզմի հուշարձանի» ապամոնտաժման դեմ

Եվրամիությունը մտահոգություն է հայտնել Կարսում «Հումանիզմի հուշարձանի» ապամոնտաժման մեկնարկի կապակցությամբ: «Դեռևս շինարարության փուլում գտնվող հուշարձանի ապամոնտաժումը բաց ցենզուրա է` ուղղված արվեստի ստեղծագործություններին: Դա շատ տագնապալից փաստ է»,- ասել է Եվրախորհրդարանի ԵՄ-Թուրքիա հանձնաժողովի համանախագահ Էլեն Ֆլոթրը, գրում է Hurriyet-ը:
Ներկայումս հուշարձանի ապամոնտաժումը շարունակվում է: Շինարարներն արդեն «գլխատել են» ֆիգուրներից մեկը:
Հուշարձանի ապամոնտաժման նախաձեռնողը Թուրքիայի վարչապետ Ռեջեփ Թայիփ Էրդողանն է, որը 2011 թվականի հունվարին Կարս կատարած այցի ժամանակ հուշարձանը «անճոռնի և հրեշավոր» է անվանել:

Read More

Արտո Թունջբոյաջյանը թուրքական երգչախմբի հետ համատեղ ալբոմ է թողարկել

Հայազգի հայտնի երաժշիշտ Արտո Թունջբոյաջյանը թուրքական Kardeş Türküler երաժշտախմբի հետ համատեղ երաժշտական ալբոմ է թողարկել։

Թուրքական Haber7-ի փոխանցմամբ՝ համատեղ ալբոմը կոչվում է «Երեխան ճիշտ է», որի առաջին երգը սկսվում է հայ մեծանուն գրող Հովհաննես Թումանյանի «Հին աղոթք»-ով։ Ալբոմի մեջ հայտնված երգերի պատմություններում կան թե երեխաների իրական, թե երեւակայական պատմություններ։

Արտո Թունջբոյաջյանը ալբոմի՝ երեխաներին նվիրված լինելու կապակցությամբ նշել է. «6 տարեկանում դպրոց գնացի։ (Արտոն ծնվել եւ մեծացել է Թուրքիայում-խմբ.) Ստիպված էինք Թուրքիայի պատմությունը սովորել։ Հայաստանի պատմությունը չէինք անցնում։ Եւ մեզ սովորեցրած պատմության մեջ շեշտվում էր, թե ինչքան վատն են թշնամի հայերը։ Այդ վեց տարեկան երեխան մնաց իմ մեջ, նա չմեծացավ»,- ասել է Արտո Թունջբոյաջյանը։

Հայազգի երաժիշտը նաեւ պատմել է իր մանկության տարիներին լսած մի պատմություն, որը ներկայացվել է ալբոմում։ «Մի հայ երեխա ծնողներին ջուր բերելու համար սար է բարձրանում, սակայն չի վերադառնում։ Դրանից հետո գտնում են նրա արնշաղախ դիակը։ Սա մեր մեծերից եմ լսել։ Հայրս Սվասի հայերից էր։ Մեր տներում անասելի մի վախ կար։ Անգամ, երբ մենք տեղափոխվել էինք ԱՄՆ, Թուրքիայի մասին խոսելիս մայրս փակում էր պատուհանները։

Արտո Թունջբոյաջյանը նաեւ հանդիսանում է նոր ալբոմի երաժշտական ղեկավարը։

Նշենք, որ Արտո Թունջբոյաջյանի եւ Kardeş Türküler-ի միջեւ համագործակցությունը սկսվել է Հրանտ Դինքի մահից հետո հիշատակման մի միջոցառման ընթացքում ծանոթանալուց հետո։

NEWS.am-ը ներկայացնում է Արտո Թունջբոյաջյանի եւ Kardeş Türküler-ի համատեղ համերգից մի հատվածի եւ Kardeş Türküler-ի հայերեն կատարումով «Բինգյոլ» եւ «Սարի գելին» հայկական ժողովրդական երգերի տեսագրությունները։

Read More

Գարիկ Մարտիրոսյանն ու Մեդվեդևը միասին պարում են (վիդեո)

Read More

Եվա Ռիվասը «Տաշիր գրուպի» հետ երբեք որեւէ կապ չի ունեցել

Եվա Ռիվասը «Տաշիր» գրուպի հետ երբեք որեւ կապ չի ունեցել։ Ապրիլի 19-ին լրագրողների հետ հանդիպման ժամանակ այս մասին հայտարարեց «Տաշիր մեդիայի» գլխավոր պրոդյուսեր Մարկ Սաղաթելյանը։

«Հիմա եկել է ժամանակը եւ ես իրավունք ունեմ պաշտոնապես հայտարարելու, որ Եվա Ռիվասը «Տաշիրի» հետ ոչ մի կապ չունի։ Եվա Ռիվասը, ըստ իս, կապ է ունեցել այլ՝ «Արմենիա» պրոդյուսերական կենտրոնի հետ։ Նա «Տաշիրի» կողմից չի հովանավորվել»,- փաստեց Սաղաթելյանը։

Հարցին, թե ինչո՞ւ այս մասին չէին խոսում անցած տարի, երբ մամուլը հեղեղված էր տեղեկություններով, թե «Եվրատեսիլ-2010»-ին Հայաստանը ներկայացնող Ռիվասը հովանավորվում է «Տաշիր» գրուպի կողմից, ասուլիսին ներկա «Տաշիր մեդիայի» գլխավոր տնօրեն Հրանտ Բաբասյանը պատասխանեց. «Տաշիր գրուպ» ընկերությունը եւ անձամբ Սամվել Կարապետյանը շատ այլ գործերով են զբաղվում ՝ գործարաններ է կառուցում, մի շարք բիզնես-ծրագրեր իրագործում, հովանավոր լինել-չլինելու ժամանակ չկա»:

Նշենք, որ անցած տարի մամուլում լուրեր էին շրջանառվում, որ «Եվրատեսիլ-2010»-ին Հայաստանը «Apricot stone»` «Ծիրանի կորիզ» երգով ներկայացնող Եվա Ռիվասը ամենաբարձր մակարդակով հովանավորվում է հենց «Տաշիր գրուպ» ընկերության նախագահ Սամվել Կարապետյանի կողմից:

Read More

Մարկ Սաղաթելյան. «Սա բարեգործական ակցիա չէր, սա կոմերցիոն շոու էր»

Համահայկական ազգային «Տաշիր-2011» մրցանակաբաշխության արդյունքներն այսօր լրագրողների հետ հանդիպման ժամանակ ամփոփեցին «Տաշիր մեդիայի» գլխավոր տնօրեն Հրանտ Բաբասյանը և գլխավոր պրոդյուսեր Մարկ Սաղաթելյանը։

«Տաշիր մեդիայի» գլխավոր տնօրեն Հրանտ Բաբասյանի փոխանցմամբ, իրենց հաջողվեց կազմակերպել հիանալի և որակյալ շոու ծրագիր։
«Շատերին թվաց, թե մենք կազմակերպել էինք բարեգործական ակցիա։ Սակայն դա այդպես չէ։ Մեր խնդիրն էր կազմակերպել լավ միջոցառում։ Իսկ ինչ վերաբերում է շռայլությանը, ապա պետք է նշեմ, որ միջոցառումը կազմակերպվեց և կայացավ ինչպես ռուս, այնպես էլ հայ գործարարների աջակցությամբ։ Ռուս գործարարները մեծ հաճույքով համաձայնեցին համագործակցել և իրենց ներդրոմն ունենալ մրցանակաբաշխության հարցում։ Այդ երեկո բեմ դուրս եկան շատ գործարարներ, բայց չգիտես ինչու բոլորի աչքին երևաց միայն Սամվել Կարապետյանը»,-նշեց Հրանտ Բաբասյանը։

«Տաշիր մեդիայի» գլխավոր պրոդյուսեր Մարկ Սաղաթելյանը տեղեկացրեց, որ միջոցառումն այդ երեկո դիտել է հեռուստատեսային լսարանի ավելի քան ութսուն տոկոսը և իրենց համար զարմանալի է քննադատությունը։ «Սա բարեգործական ակցիա չէր, սա լավ կազմակերպված կոմերցիոն շոու էր։ Մենք հասկացանք, որ դա ընդամենը սև փիար էր, որը կազմակերպված էր մեր կոնկուրենտների կողմից, խոսքը «Արմենիա» մրցանակաբաշխության կազմակերպիչների մասին է»,-ընդգծեց Մարկ Սաղաթելյանը։

«Տաշիր մեդիայի» գլխավոր պրոդյուսերի փոխանցմամբ, հնարավոր է, որ մյուս տարի մրցանակաբաշխությունը կազմակերպվի այլ ֆորմատով և մրցանակների արժանանան տարբեր ոլորտներում մեծ ներդրում ունեցող մարդիկ։

Read More

Հոլիվուդյան աստղը 94 տարեկանում ցանկանում է մայր դառնալ

Հոլիվուդյան աստղ Զա Զա Գաբորը, ով արդեն 94 տարեկան է, ցանկանում է երեխա ունենալ, եւ ամուսիններն արդեն փոխնակ մայր են փնտրում:

Նման հայտարարություն է արել դերասանուհու ամուսինը` 67-ամյա արքայազն Ֆրեդերիկ ֆոն Անհալտը` որոշումը բացատրելով նրանով, որ հունվարին ոտքն անդամահատած Գաբորին ոգեշնչելու կարիք կա: Գաբորն ավելի վաղ կոնքաազդրային հոդի պատվաստում էր կատարել եւ արդեն 9 տարի չի կարղանում քայլել:

«Մարդուն պետք է ինչ-որ բան, հանուն որի արժե ապրել», -ենթադրում է դերասանուհու իններորդ ամուսինը: Արքայազն Ֆրեդերիկի կարծիքով` երեխան ծերունազարդ զույգի համար կարժենա մոտ 100 հազար դոլար: Ի դեպ, Գաբորը վաթսունամյա դուստր ունի նախկին ամուսնություններից մեկից:

Read More

Ձերբակալվել է դերասան Նիկոլաս Քեյջը

Նոր Օռլեանում ապրիլի 16-ի առավոտյան ձերբակալվել է ամերիկացի դերասան Նիկոլաս Քեյջը:

Դերասանը իր կնոջ հետ փողոցում աղմկոտ վեճ է սարքել, տեսարանի վկաներն էլ ոստիկանություն են կանչել: Ոստիկանների` տուն գնալու հորդորին ի պատասխան հարբած Քեյջը հարցրել է, թե ինչու իրեն չեն ձերբակալում, գրում է Gazeta.ru-ն:

Արդյունքում դերասանը ձերբակալվել է եւ մեղադրվում է հասարակական կարգի խախտման եւ ընտանիքում բռնության համար: Վկաները պնդել են, թե նա հարվածել է կնոջը:

Դերասանին բաց են թողել գրավի դիմաց: Կինը հակված չէ ամուսնու դեմ գործ հարուցել եւ պնդել է, որ Քեյջն իրեն չի խփել:

Read More