ԲՀԿ թե՞ "Ընտրություններից-ընտրություններ"

Որքան մոտենում է նախընտրական ժամանակաշրջանը, այնքան ավելի տեսանելի են դառնում տարբեր քաղաքական ուժերի միջընտրական ժամանակահատվածում իրագործած քաղաքականությունը, այս կամ այն ոլորտում իրականացրած միջոցառումները, տարբեր սոցիալական խմբերի աջակցությանն ուղղված գործողությունները կամ դրանց իսպառ բացակայությունը:

Չնայած այն հանգամանքին, որ հայաստանյան քաղաքական դաշտում ընդունված պրակտիկայի և պատկերացումների համաձայն քաղաքական ուժերն ակտիվանում են, հատկապես ընտրություններից առաջ, որպեսզի օր առաջ ցույց տան հասարակությանը, որ զբաղվում են նրաց խնդիրներով, այնուամենյանիվ, կան քաղաքկան ուժեր, որոնք ոչ միայն չեն առաջնորդվում այս մտածելակերպով, այլ նաև իրենց գործունեությամբ ցույց են տալիս, որ նման գործելաոճով առաջնորդվող ուժերը հեռանկարային քաղաքական ապագա չունեն:

Այսօր, այս առումով, ըստ երևույթին, բոլոր մյուս ուժերից շահեկանորեն տարբերվող ուժ է ԲՀԿ-ն: Միջընտրական ժամանակահատվածում այս քաղաքական ուժը իրականացրել է բազմաթիվ միջոցառումներ ամենատարբեր ոլորտներում, որոնց մեջ, առանձնահատուկ ուշադրություն է հատկացվել հատկապես գյուղատնտեսությանը, երիտասարդներին և ուսանողությանը, մանր և միջին բիզնեսին, և, իհարկե, սպորտին:

Թե' գարնանացանի ընթացքում գյուղացուն անվճար սերմացուի տրամադրումը (և սա այն դեպքում, երբ կառավարությունը նույն այդ սերմացուն վաճառում է գյուղացուն), թե' ուսանողությանը անվճար տրասպորտային միջոցներ հատկացնելը, լավագույն ուսանողներին դրամական պարգևներով և վարձավճարներով օժանդակումը, պարբերաբար երիտասարդության հետ կլոր սեղան հանդիպումներ ունենալը և նրանց կողմից բարձրացված հարցերին ընդառաջելը, թե' սպորտին մշտապես աջակցելը, և բազմաթիվ այլ միջոցառումները խոսում են այն մասին որ ԲՀԿ-ն, որպես քաղաքական ուժ, մշտապես աշխատում է ամենատարբեր ուղղություններով` անկախ քաղաքական ժամանակահատվածից: Ի դեպ, բոլորովին վերջերս, կայացավ նաև հանդիպում վաստակաշատ գիտնականների և ակադեմիկոսների հետ, որի ընթացքում Գագիկ Ծառուկյանը լսեց բոլոր գիտնականների խնդիրները և պատրաստակամություն հայտնեց օժանդակել դրանց լուծման գործում` այսպիսով, իր ներդրումը կատարելով նաև գիտության զարգացման ոլորտում:

Վաղուց անցել են այսպես կոչված “քաղաքական ասֆալտապատման” ժամանակները, երբ ընտրություններից ընդամենը մեկ-երկու շաբաթ առաջ հնարավոր էր լինում էլեկտորատ “գրավել” ինչ-որ միջացառմամբ կամ դրա իմիտացիայով:

Ի վերջո, հասարակությունն էլ է քաղաքականպես ավելի հասունանաում, գիտակցելով, որ այն ուժը, որը միայն ընտրությունից ընտրություն է ակտիվանում, չի կարող հետևողական լինել իր ծրագերի իրագործման առո

Read More

Ռոզա Ծառուկյանը էժան դեղորայք է առաջարկում Շիրակի մարզի մեղվաբույծներին

ԲՀԿ առաջնորդ Գագիկ Ծառուկյանի մայրը` մեղվապահների ազգային ֆեդերացիայի նախագահ Ռոզա Ծառուկյանը հորդորել է մեղվաբույծներին դեղորայք գնել Ծառուկյանների խանութից: Մայիսի 4-ին Շիրակի մարզի մեղվաբույծների հետ հանդիպման ժամանակ նման հայտարարություն արել է Ռոզա Ծառուկյանը`հավելելով, որ նրանք, ովքեր դեղորայք կգնեն մինչեւ դեկտեմբեր ամիսը, նրանց համար զեղչեր կլինեն:

Շիրակի մարզում մեղվաբույծները դժգոհել են, որ արտադրողի համար ստեղծված պայմանները նպաստավոր չեն: «Նախորդ տարիների համեմատ մարզում կրճատվել է մեղվաընտանիքների թիվը: Ներքին արտադրողը պաշտպանված չէ, չկա նաեւ իրացման շուկա: Մեղվաբուծությունը զարգացնելու համար անհրաժեշտ են լուրջ ներդրումներ»,-ասել է Շիրակի մարզի Թավշուտ համայնքի միակ մեղվապահ Անդրանիկ Նուրիջանյանը` մեղվապահների ազգային ֆեդերացիայի նախագահի հետ քննարկման ժամանակ:

«Խոսում են գյուղատնտեսության զարգացման մասին, պետությունը ուշադրություն է դարձնելու նաեւ մեղվաբույծներին, բայց խնդիրը, տարիներ շարունակ մնում է չլուծված: Եթե մթերքը իրացնելու խնդիրը չի լուծում նույն ազգային ֆեդերացիան, ինչի՞ մասին է խոսքը: Հանդիպումները ավելի շատ նախընտրական քարոզարշավ են հիշեցնում, քան թե մեղվապահների խնդրով մտահոգված ղեկավարների այցելություն»,-ասել է շիրակցի մեղվապահ Անուշավան Մակարյանը:

Նշենք, որ այնքան մեծ է եղել շիրակցի մեղվապահների դժգոհությունն ու բողոքը, որ հյուրերը մեղմ ասած անակնկալի են եկել, իսկ հանդիպման վերջում Ռոզա Ծառուկյանը զայրացած տոնով հայտարարել է, որ շիրակցի մեղվապահներին է թվում, թե անկում է գրանցվել ոլորտում: «Անկումների հիմնական պատճառը ձեր անուշադրությունն է, մեր ոչ պրոֆիլակտիկ միջոցառումների կիրառումը»,-ասել է Ռոզա Ծառուկյանը:

Read More

ԲՀԿ-ն վերագործարկեց «Անմար կրակը»

Ապրիլի 29-ից մայիսի 1-ը Երևանում էին ռուսաստանի «Երիտասարդ Գվարդիա» և Ուկրաինայի «Երիտասարդ Ռեգիոններ» երիտասարդական քաղաքական կազմակերպությունների ղեկավար մարմինների ներկայացուցիչները:
Ծրագրի շրջանակներում Հայաստանի Հանրապետության ողջ տարածքով բաժանվեց Սուրբ Գևորգի անվանական ժապավեններ:
Միջոցառումների շարքում հատկանշական դեր էր զբաղեցնում Երևանի «Հաղթանակ» զբոսայգում բավական երկար ժամանակ արդեն չվառվող “Անմար կրակի” վերագործարկման արարողությունը` ԲՀԿ նախագահ Գագիկ Ծառուկյանի հովանավորությամբ:
Մայիս ամիսը հերոսական ամիս է մեր ժողովրդի համար, և հայ մարդը այսուհետ անհայտ զինվորի շիրիմին այցելելով կվերապրի հայրենական մեծ պատերազմում մեր ժողովրդի հաղթանակի բերկրանքը:

Read More

Ռուբեն Հայրապետյանը խորհուրդ է տալիս իրեն պատժելու փորձ չանել. «Ով որ փորձել ա, վատ բան ա ստացվել»

Հանրապետական գործարար պատգամավոր Ռուբեն Հայրապետյանն արձագանքել է նախօրեին Facebook սոցիալական ցանցում ԱԺ նախագահ Հովիկ Աբրահամյանի հայտարարությանը, ըստ որի`այսուհետ պահումներ են արվելու այն պատգամավորների աշխատավարձերից, որոնք անհարգելի պատճառով բացակայում են ԱԺ նիստերից:

«Փողից կտրելու» տարբերակով բացակա պատգամավորներին պատժելու նախաձեռնության առնչությամբ, ԱԺ նիստերից գրեթե միշտ բացակայող Ռուբեն Հայրապետյանը ասաց, որ ինքը «Facebook չի կարդում» եւ Հովիկ Աբրահամյանի հայտարարությանը ծանոթ չէ:

«Եթե խոսքը վերաբերում է պատժելուն, ես մարդկանց խորհուրդ չեմ տա ինձ պատժել: Ընդհանրապես խորհուրդ չեմ տա, քանի որ ով որ փորձել ա, վատ բան ա ստացվել»: Ռուբեն Հայրապետյանը, սակայն, «ողջունելի» է համարում ԱԺ նախագահի աշխատավարձերից պահում անելու որոշումը:

«Դա ճիշտ ա, աշխատանքի չես գնացել, բնականաբար պըտի չստանաս աշխատավարձ: Եւ ամենակարեւորը` ես երբեք ԱԺ-ից աշխատավարձ չեմ ստացել»,-հավաստիացրեց պատգամավորը: Նա, սակայն, այդպես էլ չասաց, թե ուր է գնում իր աշխատավարձը, գուցե բարեգործական որեւէ հիմնադրամի՞: «Ես ե՞րբ եմ իմ բարեգործությունների մասին բարձրաձայն ասել, որ հիմա էլ ասեմ; Իմ համար ընդունելի չի, որ ասեմ»,-արձագանքեց Հայրապետյանը:

Իսկ գուցե ԱԺ-ն Ձեր աշխատավարձը օգտագործել է ա՞յլ նպատակներով` ճշտմանը պատգամավորը պատասխանեց. «Ես էդքան նմա՞ն եմ պրովոկացիայի ենթարկվողի»:

ԱԺ նիստերից բացակայող մեկ այլ պատգամավորի`ԲՀԿ խմբակցության ղեկավար Գագիկ Ծառուկյանի վերաբերյալ նրա մամուլի խոսնակ Խաչիկ Գալստյանը նշեց, որ Ծառուկյանի բացակայությունները հարգելի են: «Պարոն Ծառուկյանը խորհրդարանի նիստերից բացակայում է միայն հարգելի պատճառներով, եւ այդ մասին ունի համապատասխան տեղեկանք»,-ասաց նա: Նա, միաժամանակ հավելեց, որ ԲՀԿ խմբակցության ղեկավարի բացակայությունները պայմանավորված են ԱԺ-ից դուրս նրա գործունեությամբ: «Պարոն Ծառուկյանը Հայաստանի օլիմպիական կոմիտեի ղեկավարն է, եւ աշխատանքի բերումով զբաղված է եւ հաճախ է արտասահման մեկնում»,-նշեց Ծառուկյանի մամուլի խոսնակը:

Մեծ թվով բացակայություններ ունեցող ՀՅԴ խմբակցության պատգամավոր Ալվարդ Պետրոսյանը եւս, վստահեցրեց, որ առողջական խնդիրներ ունի, ինչի հետեւանքով անգամ տնից դուրս չի գալիս, ընդհուպ` հրաժարվում է հեռուստատեսային հաղորդումներին մասնակցելուց: «Ես ունեմ օրինական տեղեկանք, ոչ սարքովի, որ առողջական լուրջ պրոբլեմ ունեմ»,-վստահեցրեց Պետրոսյանը: Նա ճիշտ է համարում աշխատավարձերից պահում անելու ԱԺ նախագահի որոշումը եւ կարծում է, որ` «եթե հիվանդ չես, պիտի գործի գնաս»:

Նշենք, որ Ազգային ժողովի նիստերից հիմնականում բացակայում են ՀՀԿ-ական գործարար պատգամավորներ Տիգրան Արզաքանցյանը, Լեւոն Սարգսյանը, Հարություն Փամբուկյանը, Ալեքսան Պետրոսյանը, Աշոտ Աղաբաբյանը, Նահապետ Գեւորգյանը, Գագիկ Ծառուկյանի խնամի ԲՀԿ-ական Մուրադ Գուլոյանը, Աշոտ Արսենյանը, անկուսակցական Մխիթար Վարագյանը: Ցանկը կարելի է էլի շարունակել:

Փորձ արվեց կապ հաստատել նաեւ նրանց հետ` լսելու նրանց պարզաբանումներն իրենց բացակայությունների մասին, սակայն ապարդյուն: Հարկ է նկատել, որ հիշյալ պատգամավորներին մերթ ընդ մերթ կարելի է տեսնել ԱԺ-ում: Դրանք այն օրերն են լինում, երբ խորհրդարանը օրենքի այս կամ այն նախագիծն «անցկացնելու» հրահանգ է ստանում, ինչի նպատակով հիշյալ պատգամավորները «բերման են ենթարկվում» ԱԺ` իրենց հասանելիք կոճակը սեղմելու:

Read More

Աբգար Ափինյան. Լեւոն Անանյանի վիրահատության համար անհրաժեշտ 5000 դոլարը ես եմ տվել

Երեւանի գրողների միության նախագահ Աբգար Ափինյանը համակրում է ՀՀԿ-ին, բայց այդ կուսակցության անդամատոս չունի: «Գրողը իր գրական գործունեության մեջ շատ սխալ կլինի, եթե որեւէ կուսակցության պատկանի: Ես համակրանքներ ունեմ «Հանրապետական» կուսակցության նկատմամբ, բոլոր այն կուսակցությունների նկատմամբ, որոնք աջակցում են երկրի զարթոնքին», - այսօր` ապրիլի 15-ին լրագրողների հետ հանդիպման ժամանակ ասաց Աբգար Ափինյանը:

Այն հարցին, թե ԵԳՄ-ում Ափինյանի նման համակրանքներ ունեցողները շա՞տ են, բանախոսը պատասխանեց, որ կան եւ ՀՅԴ-ին, եւ ԲՀԿ-ին, եւ ՀՀՇ-ին համակրողներ, որոնց ինքը լավ է վերաբերում:

Ափինյանի տեղեկացմամբ, Երեւանի գրողների միությունն ունի 50 անդամ եւ 200-ից ավելի դիմում, որոնք դեռ չեն որոշել, թե ինչ պետք է անեն: Ըստ Ափինյանի, իրենք առաջնորդվում են «Քիչ, բայց որակով» սկզբունքով` թիրախ ընտրելով ոչ թե գրողին, այլ ընթերցողին: ԵԳՄ ղեկավարի ներկայացմամբ, նրանք նախաձեռնել են գրական մոնոպոլիան քանդել:

«Այս մոնոպոլիան պետք է վերացվի, բացահայտորեն կա գրական մոնոպոլիա, որի արդյունքն աղետալի է»,- ասաց ԵԳՄ նախագահը` հավելով, որ Հայաստանի գրողների միությունը (ՀԳՄ) այսքան տարի սխալ քաղաքականություն է վարել:

Ինչ վերաբերում է Հայաստանի գրողների միություն-Երեւանի գրողների միություն հակամարտությանը, ապա ԵԳՄ նախագահ Աբգար Ափինյանն ասաց, որ նման բան չկա, եւ Երեւանի գրողների միությունը Հայաստանի գրողների միության մի բաժինն է, թեպետ ՀԳՄ նախագահ Լեւոն Անանյանը նրանց մեղադրել էր դավաճանության մեջ եւ անվանել հակառակ ճամբարում գտվողներ:«Մենք շատ մեծ սիրով ենք տրամադրված Հայաստանի գրողների միության նկատմամբ, ինքներս Հայաստանի գրողների միության անդամ ենք, ուղղակի տեսնելով, որ սայլը տեղից չի շարժվում, մենք որոշեցինք գործունեություն ծավալել»,- ասաց Ա. Ափինյանը:

«Ի՞նչ թշնամության մասին է խոսքը, երբ Լեւոն Անանյանը հիվանդ էր, նրա վիրահատության գումարը`5000 դոլար, տվել է Աբգար Ափինյանը»,- ասաց Ա. Ափինյանը:

Հարցին, թե ի՞նչն է պատճառը, որ Աբգար Ափինյանը միշտ հայտնվում է սկանդալների մեջ, նա պատասխանեց. «Մեզ խանգարում է լրագրողների անիրազեկությունը»:

Read More

Գագիկ Ծառուկյանն իր չինացի գործընկերոջ հետ խոսել է Հայաստանի ապագայից

Հայաստանն ու Չինաստանն ունեն դարավոր պատմություն եւ մարդկային քաղաքակրթության մեջ մեծ ներդրում, եւ պետք է անել հնարավոր ամեն ինչ բարեկամական կապերի շարունակական ամրապնդման համար: Այս մասին հայտարարել է Չինաստանի Կոմկուսի կենտրոնական կոմիտեի քաղբյուրոյի մշտական անդամ Լի Չանչունը` «Բարգավաճ Հայաստան» կուսակցության նախագահ Գագիկ Ծառուկյանի հետ ապրիլի 12-ին տեղի ունեցած հանդիպման ժամանակ:

ԲՀԿ նախագահ Գագիկ Ծառուկյանը հայտարարել է, որ Չինաստանը միշտ էլ եղել է Հայաստանի հուսալի բարեկամն ու գործընկերը, այդ իսկ պատճառով` Չինաստանի հետ հարաբերությունների խորացումը հանդիսանում է Հայաստանի արտաքին քաղաքականության կարեւոր առաջնահերթություններից մեկը: «Վստահ ենք, որ մեր կուսակցությունների միջեւ հաստատված ամուր կապերը մեծապես կնպաստեն նաեւ հայ-չինական միջպետական հարաբերությունների զարգացման գործին»,-իր խոսքում ընդգծել է ԲՀԿ նախագահը:

Զրույցի ընթացքում կողմերն անդրադարձել են դեռեւս 2008 թվականին կայացած հանդիպմանը, որտեղ պայմանավորվածություն էր ձեռք բերվել առավել խորացնել համագործակցությունը միջկուսակցական մակարդակներում, ինչպես նաեւ նախաձեռնել քաղաքական, առեւտրատնտեսական, գիտատեխնիկական եւ ագրարային համագործակցությանը նպաստող միջոցառումներ:

Լի Չանչունը ԲՀԿ նախագահ Գագիկ Ծառուկյանին հրավիրել է պատասխան պաշտոնական այցով հյուրընկալվել Չինաստանում:

Read More