Հայաստանում երիտասարդական խորհրդարան է ձևավորվում

Ազգային ժողովի նախագահ Հովիկ Աբրահամյանի մարտի 28-ի կարգադրությամբ ստեղծվում է Երիտասարդական խորհրդարան /խորհրդակցական հասարակական մարմին/: ԱԺ լրատվական ծառայությունից տեղեկացնում են, որ Երիտասարդական խորհրդարանում ընդգրկվելու համար կարող են դիմել Հայաստանի Հանրապետության 18-30 տարեկան քաղաքացիները:

Երիտասարդական խորհրդարանի անդամներ կարող են լինել` անհատ քաղաքացիներ ՀՀ մարզերից, /ինքնաառաջադրման կարգով/, ՀՀ Ազգային ժողովում ներկայացված կուսակցությունների, ՀՀ Ազգային ժողովում չներկայացված կուսակցությունների, հասարակական կազմակերպությունների, ստեղծագործական միությունների /ինքնաառաջադրման կարգով/, պետական ուսումնական հաստատությունների ներկայացուցիչներ:

Երիտասարդական խորհրդարանի ընդհանուր համակազմի առնվազն 3%-ը կարող են լինել ազգային փոքրամասնությունների ներկայացուցիչներ:

Posted in: ԱԺ,Քաղաքականություն