«Մեզ բոլորիս հայտնի է, որ հայերի եւ թուրքերի միջեւ բարոյական հարցերը հատկապես հրատապ են դառնում ապրիլին, երբ ամբողջ աշխարհում նշվում է Հայոց ցեղասպանության տարելիցը: Մենք աջակցում ենք Քիմին, որովհետեւ բոլոր վիճաբանություններն այդ հարցի շուրջ կօգնեն Թուրքիայի ժողովրդին իմանալ Հայոց ցեղասպանության մասին: Այդ պատճառով մեզ անհրաժեշտ է ամբողջ ճշմարտությունը հասցնել թուրք հասարակությանն այլ միջոցներով», - նշեց Ամբարյանը:
Հիշեցնենք, որ Քիմ Քարդաշյանի լուսանկարը հայտնվել է «Cosmopolitan» ամսագրի թուրքական տարբերակի ապրիլյան համարի շապիկին: Քարդաշյանը հայտարարել էր, որ դա արվել է առնաց իր իմացության: Քարդաշյանը մասնակցել է «Cosmo» միջազգային ֆոտոսեսիային: Այնուհետեւ լուսանկարները հայտնվել են պարբերականի տարբեր երկրների վարկածներում: Սակայն Քիմի խոսքով, ինքը չէր էլ կարող պատկերացնել, որ իր լուսանկարը կհայտնվի թուրքական տարբերակում:
