«Ստամբուլյան փառատոնի ընթացքում՝ ապրիլի 12-ին, կկայանա նաեւ հայ–թուրքական համատեղ արտադրության 5 ֆիլմերի համաշխարհային պերմիերան: Երկու թուրք եւ 3 հայ ռեժիսորների՝ Դիանա Կարդումյանի, Արթուր Սուքիասյանի, Գոռ Բաղդասարյանի, Կանայ Օզդենի եւ Գյուլեն գյուլ Ալթինթասի ֆիլմերը կներկայացվեն մրցույթից դուրս` առանձին ծրագրով»,- ասում է հայաստանյան «Ոսկե ծիրան» կինոփառատոնի գեղարվեստական ղեկավար Սուսաննա Հարությունյանը:
«Դրանք մրցույթի մեջ չեն, բայց ինքնին փաստը՝ հայ–թուրքական համատեղ ֆիլմերի ստեղծման եւ համագործակցության, շատ կարեւոր է», – «Ազատություն» ռադիոկայանի հետ զրույցում երկուշաբթի օրը ասաց «Ոսկե ծիրան»–ի գեղարվեստական ղեկավարը։
«Դրանք մրցույթի մեջ չեն, բայց ինքնին փաստը՝ հայ–թուրքական համատեղ ֆիլմերի ստեղծման եւ համագործակցության, շատ կարեւոր է», – «Ազատություն» ռադիոկայանի հետ զրույցում երկուշաբթի օրը ասաց «Ոսկե ծիրան»–ի գեղարվեստական ղեկավարը։
Փառատոնին ներկայացվող այս ֆիլմերը ստեղծվել են հայ–թուրքական կիոպլատֆորմի շրջանակներում: Պլատֆորմը հիմնադրվել է «Ոսկե ծիրան» երեւանյան միջազգային կինոփառատոնի եւ «Անադոլու Քուլթուր» մշակութային հասարակական կազմակերպության նախաձեռնությամբ` նպատակ ունենալով համատեղ գործունեության համար բարենպաստ պայմաններ ստեղծել:
Փառատոնին զուգահեռ նաեւ հայ–թուրքական պլատֆորմի աշխատանքային սեմինար կանցկացվի, որի ընթացքում, հույս ունեն նոր համատեղ աշխատանքների հիմքերը դնել:
